مبروك علينا الرجوع للمكان الطبيعي متاعنا: الرابطة المحترفة الأولى لكرة القدم. بصراحة، كانت لحظة ما تتنساش، لحظة بكينا فيها من الفرح، زغرطنا، وغنّينا في كل حومة وفي كل قهوة. الفرحة كانت عامة، والعواطف كانت كبيرة، لأنو هالصعود ما كانش سهل، وكان نتيجة تعب كبير ومجهود جماعي من إدارة، لاعبين، جمهور وحتى الإعلام. الناس كل فرحانة، موش كان في القيروان، حتى من سوسة، صفاقس، تونس، القصرين، بوزيد، وحتى قرقنة! الشبيبة موش كان فريق، الشبيبة هي هوية، هي روح مدينة كاملة، وفخر كل القراوة. 🎙 حافظ الهواربي قال: "كان موسم صعيب، كله ضغوطات... نشكر كل من دعم الشبيبة". 🎙 بشير لحمر: "الناس الكل تحب تشوف الشبيبة في الناسيونال، وهاو تحقق الحلم". 🎙 هيثم المحمدي: "من أول ماتش وعدتكم بالطلوع وهاو وفّيت بوعدي بشرف". 🎙 نبيل الميساوي: "14 سنة ما جيتش للقيروان، أما الشبيبة عزازة عليا وحرام ما نشاركش في هالفرحة". 🎙 الحبيب الماجري: "الشبيبة رجعت وين تستحق تكون، وراهي مش باش تخرج من غادي". وحتى الكابتن طارق ذياب بارك لجمعيتنا وقال: "حدث وطني كبير، وعودة الشبيبة إضافة للرابطة الأولى".