كل الدعم لرئيس الفرع اللي خدم بصمت و تفاني و حب كبير للجمعية و للعبة، و ما عمرنا شفناه دخل في صراعات ولا حب يبان، خدم في أصعب الظروف و وقف على نجاح الفرع ، و اليوم للأسف يلقى روحو في وسط موجة تشويه و حملات تحطيم معنوي. كي شخص يخدم ، يضحي من صحّتو و من وقتو و من مالو و على حساب عايلتو، أقل شي يستحقو هو الاحترام. لكن اللي صاير اليوم هو عكس هذا الكل. اللوجيك يقول إلّي اللي يحب يخدم يخدم، و اللي يحب ينقد، ينقد بعقلانية و بالمعطيات، موش بالتشويه و التهديم. اليوم وصلنا لنقطة خطيرة حسب تدوينة المجبري: الضرب ما عادش يجي من الخصم، و لا يجي من داخل الدار. و وقتها كل حد عندو كرامة و مبادئ، يختار يبعد. نقولها بكل وضوح: اللي نعرفوه و نشهدوله هو إنو رئيس الفرع كان مثال للجدية و الاحترام و الحرفية، و خدم الفرع بكل ما عندو. و اليوم كي قرر يبعد، نرفعولو القبعة و نقولولو برك الله فيك على كل لحظة أعطيتها للجمعية، و ربي يوفقك في خطواتك الجاية. #شكرا_للي_خدموا