مبروك علينا تتويج أواسط شبيبة القيروان بكأس البطولة 🏀💚 بعد فوز مستحق على الإتحاد المنستيري في نهائي قوي انتهى بنتيجة 73 – 61 لصالح القلعة الخضراء! 🔥 نهار تاريخي زين خزائن الجمعية بلقب ثاني لهذا الموسم، ونحققو "الدوبلي" عن جدارة بعد ما سبق ورفعنا كأس تونس. لكن التتويج اليوم ما هوش مجرد كاس جديد… هو رسالة. رسالة إنو كرة السلة في القيروان ماشية في الطريق الصحيح، ورسالة إنو شبيبة القيروان مازالت مدرسة، وديما باش تخرّج رجال يحاربو على جالها 🇳🇬. 🎖️ الأداء؟ قتالي. المستوى؟ راقٍ. والنية؟ صافية. الشكر الكل يمشي للإطار الفني والإداري، وللمدرب سي سيف النڤاطي، وللسيد وجيه العلويني، والسيد سليم المجبري، ولكل من كان سند حقيقي للفرع. 🙏 تحية تقدير خاصة للناس اللي خدمو من غير ما يحبوا يظهروا، ولا يستنّاو تصاور. الناس هاذم هما اللي تصنع بيهم الجمعيات العريقة. واليوم نقولوها بصوت واحد: الشبيبة ما تموتش، بل كل عام تتكاثر 💚🤍 ✊ إنشاء الله التتويج هذا يكون نقطة انطلاقة جديدة، ونبنيو عليه وحدة بين كل أبناء الجمعية، ونردو القلوب الكل صافية باش نرجّعو فرع السلة وين يستحق يكون. تحيا الشبيبة، تحيا رجالها، وتحيا قيرواننا! 🇳🇬